Operacion antidrogë në Korçë, vihen në pranga nga policia disa persona të dyshuar.
Burime policore bëjnë me dije se aksioni ka startuar prej mëngjesit të sotëm (15 maj), i shtrirë në disa zona të qytetit juglindor, ku dyshohej se zhvillohej ky aktivitet i paligjshëm.
Deri në këto momente, në pranga kanë rënë 2 persona, janë shoqëruar edhe disa të tjerë për t’u marrë në pyetje, ndërsa operacioni është ende në zhvillim.
Nga kontrollet e kryera në mjete dhe banesat e shtetasve të arrestuar, janë sekuestruar një sasi lëndësh narkotike, përfshirë kokainë, të ndara në doza.
