Durimit të Donald Trump me Vladimir Putin mund t’I ketë ardhur fundi.
Media amerikane Wall Street Journal shkruan se presidenti amerikan po shqyrton vendosjen e sanksioneve të reja ndaj Rusisë, pasi tha se Putin është çmendur, teksa Rusia sulmoi disa herë Ukrainën duke shkaktuar viktima të shumta.
Media amerikane shkruan se Trump po shqyrton sanksione në sektorin banker të Rusisë, me qëllim që t’I bëjë presion Putin, për të pranuar një armëpushim.
Sipas burimeve nga Shtëpia e Bardhë ende nuk është marrë asnjë vendim përfundimtar dhe Trump mund të tërhiqet nëse beson se mund të ketë një rezultat përmes kanaleve diplomatike.
Sipas Wall Street Journal, Trump i kishte rezistuar presionit për javë të tëra për të marrë masa më të ashpra, por tre faktorë kryesorë ndikuan në pikëpamjet e tij.
Së pari, mospëlqimi i tij për Presidentin ukrainas Volodymyr Zelensky, i cili, sipas mendimit të Trump, dyshohet se po inkurajonte konflikt të mëtejshëm duke këmbëngulur për sanksione.
Së dyti, Trump besonte gjithashtu se sanksionet shtesë kundër Rusisë nuk do ta kufizonin aftësinë e saj për të vazhduar luftën, por do të pengonin përpjekjet për të rivendosur lidhjet ekonomike midis Shteteve të Bashkuara dhe Rusisë.
Së treti, Trump, duke menduar se e njihte Putinin, besoi se udhëheqësi rus do ta përfundonte luftën si një “favor personal”.
Qëndrimi I Putin për të mos arritur një kompromis duket se ka ndryshuar edhe pikëpamjen e Trump për homologun e tij, veçanërisht pas një telefonate javën e kaluar në të cilën Putin refuzoi të nënshkruante një marrëveshje armëpushimi.
