Maqedonia e Veriut/ Qeveria shpërndan 30 mln denarë për familjet e viktimave dhe trajtimin e të plagosurve nga zjarri në diskotekën e Koçanit

Qeveria maqedonase ka deklaruar se ka shpërndarë 30 milionë denarë përmes buxhetit qendror për viktimat nga zjarri në diskotekën e Koçanit, nga të cilat 11.2 milionë denarë u janë paguar familjeve të të lënduarve që u dërguan për mjekim jashtë vendit.

Përkrahja financiare shtesë, e cila u koordinua gjithashtu nga Qeveria, po paguhet përmes Kryqit të Kuq nga mjetet e mbledhura përmes linjës së hapur të donacioneve.

“Për këtë situatë, Qeveria e Republikës së Maqedonisë reagoi shumë shpejt. Për viktimat janë siguruar 30 milionë denarë buxheti dhe deri më tani janë paguar 11.2 milionë denarë për të lënduarit që u dërguan për mjekim jashtë vendit.

Përmes Kryqit të Kuq janë mbledhur mbi 100 milionë denarë, aktivitet që u realizua në koordinim me Qeverinë dhe ishte mënyra e vetme më shpejt e mundshme për mbledhjen e mjeteve financiare dhe për t’u ndihmuar familjeve të viktimave.

Ajo theksoi se përveç kësaj përkrahjeje direkte, në mënyrë shtesë do të sigurohet përkrahje përmes FSSHM-së për mjekimin e të lënduarve të cilët kanë marrë plagë më të rënda, ku mjekimi do të jetë afatgjatë.