Një zjarr ka rënë në një banesë në lagjen “Uznovë” në qytetin e Beratit. Zjarri ka rënë në një banesë dy katëshe dhe në monentin e rënies në zjarrit në banesë nuk ka pasur asnjë familjar. Zjarri është parë nga banorët, të cilët kanë njoftuar zjarrfikësit.
Në vendngjarje kanë shkuar shërbimet zjarrfikëse me tre mjete të fikjes së zjarrit. Si rezultat i ndërhyrjes në kohë, është bërê i mundur lokalizimi i shpejtë i flakëve dhe fikja e zjarrit. Zjarri, i cili kishte filluar në katin e parë të godinës dhe që më pas u përhap me shpejtësi, mendohet se është shkaktuar nga rryma elektrike.
