Policia e Shtetit ka finalizuar me sukses operacionin policor të koduar “Buçimasi”, duke goditur një rast të shitjes së lëndëve narkotike në qytetin e Pogradecit.
Si rezultat i këtij operacioni:
-
U arrestua në flagrancë shtetasja Sheqere Hamati, 64 vjeçe, banuese në fshatin Buçimas;
-
U shpall në kërkim djali i saj, Xhenson Hamati, 30 vjeç, po ashtu banues në fshatin Buçimas;
-
Nisi procedimi në gjendje të lirë ndaj shtetasit L. T., 21 vjeç, banues në Pogradec.
Gjatë kontrollit në banesën e Sheqere dhe Xhenson Hamati, shërbimet e Policisë zbuluan dhe sekuestruan një sasi lënde narkotike të dyshuar Cannabis Sativa, të ndarë në doza për shitje, dy peshore elektronike dhe një shumë parash, e dyshuar si e përfituar nga kjo veprimtari kriminale.
Ndërkohë, gjatë kontrollit fizik ndaj shtetasit L. T., iu gjet një sasi lënde narkotike që dyshohet se e kishte blerë nga 64-vjeçarja e arrestuar.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme në ngarkim të personave të përfshirë, për veprën penale “Prodhimi dhe shitja e narkotikëve”, kryer në bashkëpunim.
Policia e Shtetit vijon punën me përkushtim për goditjen e veprimtarisë kriminale, në çdo cep të vendit.
