Në një verë të mbushur me tensione dhe hamendësime për të ardhmen e Hakan Çalhanoglu, një “ftesë” publike ka tërhequr vëmendjen e mediave turke dhe italiane. Ish-mesfushori i Interit dhe Gallatasarajit, Felipe Melo, ka bërë një apel të drejtpërdrejtë për transferimin e kapitenit të kombëtares turke në klubin ku vetë ai shkëlqeu dikur.
Përmes një postimi në profilin e tij në platformën “X”, braziliani, që ka mbrojtur ngjyrat e Gallatasarajit në periudhën 2011–2015, i ka dërguar një mesazh të ngrohtë dhe emocional Çalhanoglusë.
“Turqia është atdheu im i dytë. Jam gjithmonë gati të mbështes vëllezërit e mi turq. E njoh Çalhanoglunë prej shumë kohësh, është një njeri me vlera të mëdha dhe një futbollist me cilësi të jashtëzakonshme… Që këtu i bëj një apel vëllait tim, Çalhanoglu, vëlla, eja te Gallatasaraj. Forca Kapiten!” shkroi Felipe Melo.
