Kryeministri Edi Rama vijon edhe sot mbledhjen me deputetët aktualë të qarkut të Tiranës dhe ata të zgjedhur më 11 maj, si dhe përfaqësuesit e bashkisë. Kjo për shkak se një pjesë e deputetëve nuk ishin prezent në mbledhjen e djeshme për shkak të seancës plenare në Kuvend.
Rama shihet teksa hyn me një bllok në dorë brenda selisë rozë. Ndërkohë, kreu i qeverisë feston sot edhe 61 vjetorin e lindjes.
Burimet bënë me dije se nga mbledhja e një dite më parë, kreu i qeverisë u ka kërkuar atyre që të jenë më shumë të pranishëm në terren për evidentimin e problematikave dhe koordinimin me pushtetin vendor, me strukturat e bashkisë për gjetjen e zgjidhjeve.
