Seksioni për Hetimin e Narkotikëve në DVP Durrës, në bashkëpunim me Komisariatin e Policisë Durrës, ka finalizuar operacionin policor të koduar “Mix”, me qëllim goditjen e shpërndarjes së lëndëve narkotike dhe armëmbajtjes pa leje.
Si rezultat, u vu në pranga shtetasi:
-
Sentiljano Selami, 21 vjeç, banues në fshatin Kullë, Manzë, Durrës
Gjithashtu u procedua penalisht në gjendje të lirë shtetasi:
-
Rr. K., 40 vjeç, banues në Kullë, për mbajtje pa leje të armëve të ftohta.
Gjatë kontrollit të ushtruar në automjetin që drejtonte Sentiljano Selami (pa leje drejtimi), dhe më pas në banesën e tij, Policia gjeti dhe sekuestroi:
-
25 doza lëndë narkotike të dyshuar kokainë
-
50 doza lëndë narkotike të dyshuar kanabis
-
1 armë zjarri pistoletë, me numër serial të pjesshëm të fshirë
-
100 fishekë luftarak
-
1 pasaportë biometrike në emër të një shtetasi tjetër
-
3 telefona celularë
Ndërkohë, në çantën e 40-vjeçarit Rr. K., shërbimet e Policisë gjetën një mjet prerës (thikë).
Arma e zjarrit do të dërgohet për ekspertizë në Institutin e Policisë Shkencore, për të verifikuar nëse është përdorur në ndonjë ngjarje kriminale të mëparshme.
Materialet iu referuan Prokurorisë pranë Gjykatës së Juridiksionit të Përgjithshëm Durrës, për veprime të mëtejshme procedurale, për veprat penale:
-
“Prodhimi dhe shitja e narkotikëve”
-
“Mbajtja pa leje e armëve luftarake dhe municionit”
-
“Mbajtja pa të drejtë e armëve të ftohta”
-
“Falsifikimi i dokumenteve”
