Tiranë, 14 Korrik 2025 – Ministri për Evropën dhe Punët e Jashtme të Shqipërisë, z. Igli Hasani ka mikpritur sot në mjediset e MEPJ Zëvendëskryeministren për Integrimin Evropian dhe Euro-Atlantik të Ukrainës, znj. Olha Stefanishyna – njëherësh Ministre e Drejtësisë dhe Kryenegociatore.
“Rikonfirmova mbështetjen e palëkundur të Shqipërisë për Ukrainën — si në aspektin politik, diplomatik dhe praktik.” – shprehet Ministri Hasani përmes një publikimi në rrjet social.
Ndër të tjera, Ministri Hasani nënvizon se gjatë takimit kanë bashkëbiseduar mbi rrugëtimin evropian të secilit prej vendeve tona:
“Përcolla edhe mbështetjen e fuqishme të Shqipërisë për anëtarësimin e Ukrainës, si dhe rëndësinë strategjike të mbajtjes së zgjerimit në agjendën evropiane.” – shtoi ai.
