Tre persona u vranë dhe katër të tjerë u plagosën nga një goditje rrufeje në një vendpushim buzë lumit në rajonin Tula të Rusisë, rreth 120 kilometra në jug të Moskës, thanë autoritetet të hënën.
Një burrë dhe një grua nga Moska, si dhe një djalë adoleshent vendas, vdiqën nga plagët e marra përpara se ambulancat të arrinin në vendpushimin Shakhtyor, sipas agjencisë shtetërore të lajmeve TASS, duke cituar zyrtarët rajonalë të shëndetësisë.
Dy gra u shtruan në spital, njëra në gjendje kritike. Një burrë dhe një adoleshent morën trajtim mjekësor në vendngjarje.
“Prokurorët do të inspektojnë zonën e plazhit për pajisjet e nevojshme të sigurisë dhe do të shqyrtojnë dokumentacionin që lidhet me funksionimin e plazhit”, thanë ata në një deklaratë.
Incidenti ndodhi mes stuhive të rrëmbyeshme që përfshiu Rusinë qendrore pas një vale të nxehti gjatë fundjavës.
