Dy tragete me 400 pasagjerë janë bllokuar në Portin e Vlorës, me urdhër të kapitenerisë duke shkaktuar kështu pakënaqësi.
Kapitenët e trageteve thonë se e kanë të pamundur të lëvizin pa lejen e kapitenerisë së Vlorës.
Por sipas Kapitenerisë, ankorimet nuk janë bërë me firma të licensuara, për këtë arsye është bllokuar lëvizja.
Prej dy orësh pasagjerët që do të udhëtojnë drejt Brindisit të Italisë janë të bllokuar.Pronarët e trageteve ankohen për çmimet e larta të firmave.
“Ne kemi patur firmat tona prej më shumë se dy vitesh. Çmimet e firmave janë shumë të larta. Ne nuk kemi lidhur kontrata, është bërë monomopol”, shprehen pronarët.