Prej pak kohësh, Soni Malaj po jeton një periudhë të bukur në jetën personale. Partneri i saj, Klevi, ia ka rikthyer lumturinë pas një periudhe të vështirë, në fillim shkurorëzimi me Mirkon dhe pas tij edhe ndarja nga jeta e të atit.
Klevi ka qenë një mbështetje e madhe për artisten, madje këtë gjë Soni e ka deklaruar shpesh në intervistat e fundit televizive. Por, së fundi, e ftuar në NIN në Klan Kosova, Soni ka rrëfyer edhe një sekret të vogël për takimin e parë dhe shkëndijën e dashurisë me Klevin.
Ndryshe nga ҫ’është spekuluar në mediat rozë dhe në portale, çifti nuk janë njohur në palestër, madje as sot nuk frekuentojnë të njëjtën palestër “Është spekuluar se jemi njohur në palestër, por në fakt jo. Takimi ynë i parë ka qenë nëpërmjet një mikeshës sonë të përbashkët, ka qenë një takim i rastësishëm. Unë e kisha takuar edhe herë të tjera, por nuk e mbaja mend. Ai as nuk më ka parë. Unë e kam pasur në profil. Ka qenë punë e pasurive të patundshme, apartamente, që është edhe biznesi i tij”.
Por askujt nuk ia merrte mendje se dy miqtë e vjetër të mikeshës së përbashkët do të bëheshin bashkë… Dhe ndodhi për ditëlindjen e saj, kur të dy patën “takimin përballë”.
Takimi ishte krejt i rastësishëm. Pas festës (ditëlindjes së mikeshës), unë po prisja makinën në parking. Aty, ai kaloi dhe… diҫka ndodhi. U pamë përballë. Unë në fakt e ngatërrova, por pastaj thashë “mos është ai që njoh?”
Kështu, Soni dhe Klevi, shkëndijën e parë të dashurisë e përjetuan në parking. Aq mjaftoi që më pas të fillonin komunikimet e pas tyre takimet. /Telegrafi/