Një sherr mes dy adoleshentëve, nisur në dyert e shkollës mund të kishte përfunduar në tragjedi. Një 17 vjeçar i përjashtuar nga shkolla për sjellje jo të mirë, ishte kthyer në problem për bashkëmoshatarin e tij i cili dsa herë i kishte kërkuar të mos i ngacmonte motrën.
Ngjarja ka ndodhur në Mallakaster pasditen e djeshme. Autori me iniciale M.B, 17 vjeç ka qëlluar me thikë R.A po 17 vjeç, thotë policia.
I plagosuri i cili ndodhet me disa plagë thike në spital kishte bërë sherr verbal disa herë me shtetasin M.B për shkak se ky i fundit qendronte pranë shkollës edhe pse ishte përjashtuar. Sipas dëshmitarëve autori i plagosjes ishte person problematik dhe kishte ngacmuar motrën e të plagosurit.