Ndonëse kanë kaluar shumë vite nga rrënia e rregjimit të tij dhe tashmë është vetëm një emër në histori, në qytetin e lindjes së Enver Hoxhës, nuk e harrojnë lehtë figurën e diktatorit famëkeq.
Këto foto tregojnë se si në qytet, ekzistojnë ende parrulla që kujtojnë dikatorin dhe ditën e tij të lindjes, 16 Tetor 1908.
Besohet se Hoxha ka lindur më 16 tetor 1908 në lagjen Palorto, në familjen e Halil dhe Gjyle Hoxhës. Pavarësisht se në vitet e komunizmit 16 tetori ishte festa e ditëlindjes së tij, pavarësisht se ajo festohej në vend dhe nga Hoxha vetë, kërkimet dokumentare për të janë të rrëmujshme. Në Arkivin Qëndror të Shtetit në Tiranë, për Enver Hoxhën, janë shënuar 5 ditëlindje të ndryshme.
