Një shqiptar është arrestuar, pasi ka hyrë për të vjedhur në një banesë të braktisur në Fabriano të Italisë, e dëmtuar pas tërmetit të fuqishëm të disa ditëve më parë.
“Një person po hyn në një nga shtëpitë e braktisura”, i raportoi policisë një kalimtar pasditen e djeshme.
Agjentët shkuan në vendngjarje dhe rrethuan zonën. Shqiptari tentoi arratisjen, por pas një ndjekje, u arrestua nga efektivët.
27-vjeçari shqiptar, identiteti i të cilit nuk bëhet i ditur, pa dokumente qëndrimi në territorin italian, akuzohet për tentativë vjedhje, raportojnë mediat lokale.