Shkumbini -Dinamo ka qenë ndeshja e rradhës që është luajtur në qytetin e Peqinit. Ndeshja është fituar nga skuadra vendase me rezultatin e ngushtë 1-0. Ndeshja ka qenë maksimalisht e luftuar jo vetëm në fushën e lojës po edhe në shkallët e stadiumit.
Tifozët e Peqinit kanë ushtruar dhunë të ashpër ndaj babait të njërit prej lojtarëve të Dinamos Erxhan Muça. Një grup rreth 30 tifozësh peqinas kanë rrahur babain e lojtarit. Shkak i cili bëri që ndeshja të ndërpritet për rreth 10 minuta.
Edhe pse ishte një ndeshje që ishte parashikuar të luhej pa tifozë klubi vendas ka lejuar që në tribunën kryesore të hyjnë disa dhjetëra tifozë. Në minutën e 17 tifozët peqinas kanë hedhur disa sulme në drejtim të Muçës. Babai i tij ka reaguar dhe kjo ka bërë që sulmet e tifozëve të zhvendosen drejt tij. Lojtari ka vendosur që të lërë lojën pasi ka deklaruar që e kishte të pamundur të vazhdonte më tej.
Pas ndeshjes lojtari është shprehur se tashmë incidenti është tejkaluar dhe se këto janë sjellje që ndodhin rëndom midis tifozëve.
