Veshkat janë një prej organeve tepër të rëndësishme të trupit tonë më role të shumta biologjike: rregullojnë ekuilibrin e ujit në trup dhe përbërësve të tjerë kimikë në gjak, si: sodiumi, potasium, fosfori dhe kalciumi. Eliminojnë një sërë toksinash nga trupi ynë si dhe prodhojnë disa hormone, siç është “renina” që ndikon në presionin arterial. Nxisin prodhimin e qelizave të kuqe në palcën kurrizore dhe marrin pjesë në prodhimin e formës aktive të vitaminës D. Në brendësi të secilës veshkë ndodhen rreth nje milion struktura të vogla, të quajtura nefrone, të cilat bëjnë të mundur filtrimin e gjakut. Dëmtimi i nefroneve çon në shfaqjen e sëmundjeve të veshkave.
Më poshtë ju tregojmë ushqimet e duhura për veshka sa më të shëndetshme:
- Panxhari i kuq është shumë i pasur në potasium dhe ka aftësi diuretike dhe dizintoksikuese.
- Boronicat kanë po ashtu efekt detoksikues. Ndihmojnë në pastrimin e fshikëzës së urinës dhe pengojnë zhvillimin e infeksioneve bakteriale.
- Selinoja ka veti diuretike. Ndihmon në drenimin (heqjen e ujit) nga mëlçia dhe rrugët respiratore. Eliminon gurët në veshka dhe insuficiencën epatike.
4.Qepa ka efekt antibakterial dhe diuretik, si dhe ndihmon në eliminimin e acidit urik nga veshkat.
- Qershitë. Konsumimi i qershive eliminon toksinat nga veshkat dhe pengon zhvillimin e hidronefrozës (rritja e presionit të urinës në veshka).
- Luleshtrydhet. Luleshtrydhet kanë veti anti-inflamatore dhe ndihmojnë në mirëfunksionimin e shëndetit të zemrës dhe veshkave.
- Elbi është shumë i rëndësishëm për organizmin pasi ka efekt pastues dhe drenues në veshka.
Discussion about this post