Pas tetë vitesh në Shtëpinë e Bardhë, President Obama dhe familja e tij së shpejti do të zhvendosen. Por, ku do të shkojnë dhe çfarë do të bëjnë?
Shumica e presidentëve e lënë Washingtonin sapo përfundojnë mandatin e tyre.
Vetëm pasi pasardhësi i tyre të inaugurohet, ata fluturojnë jashtë vendit për të filluar pjesën tjetër të jetës. Por të paktën edhe për 2 vitet e ardhshme, President Obama do të qëndrojë në Washington, derisa vajza e tij, Sasha, të përfundojë shkollën e mesme.
Obama ka bërë shaka në lidhje me tregun e punës, pas 20 janar 2017, duke thënë se duhet të shkojë në LinkedIn dhe të shohë se çfarë vjen’.
Në të vërtetë, ai ndoshta do ta ketë vështirë për pak kohë që të ‘gdhendë’ mundësitë e tij.
Së pari, pas një pushimi, President Obama dhe Zonja e Parë Michelle, me siguri do të fillojnë punën e tyre në memoaret apo në libra, për të treguar për kohën e kaluar në Shtëpinë e Bardhë.
Të dy Obama’t ka të ngjarë që të jenë të përfshirë në punë filantropike, mundësisht në bashkëpunim me Fondacionin Obama Barack dhe Qendrën presidenciale.
Dhe, kur ai filloi projektin “My Brother’s Keeper” për të rinjtë me ngjyrë, Obama pati deklaruar se do të qëndrojë i përfshirë në këtë edhe pas presidencës. Por, kjo nuk do të jetë e gjitha çfarë ai do të bëjë.
“Unë do të bëj të gjitha punët që kam qenë duke bërë më parë, vetëm për të gjetur mënyra për të ndihmuar njerëzit”, tha Obama për nxënësit vitin e kaluar.
“Të ndihmojmë të rinjtë që të arsimohen dhe të gjejnë punë dhe të përpiqemi që të sjellim biznese në lagje, ku nuk ka biznese”.
Michelle Obama, e cila hoqi dorë nga karriera prej juristeje dhe nga kujdesi shëndetësor kur u zhvendos në Shtëpinë e Bardhë, ka thënë se ka në plan që të jetë e përfshirë në çështje të shërbimit të fokusuar.
Në një editorial të kohëve të fundit, ajo u përqendrua në iniciativën e saj Let Girls Learn, që do të ndihmojë vajzat në gjithë botën që të qëndrojnë në shkollë.
“Pasi kam udhëtuar në botë dhe kam njohur vajza të reja si Zonjë e Parë…I mbaj shpresat dhe ambiciet e tyre kudo që shkoj dhe planifikoj që të vazhdoj punën time në emër të tyre…për pjesën tjetër të jetës sime”, ka shkruar ajo, përcjell Bota sot.
Siç thuhet në faqen e internetit të Fondacionit Barack Obama, “Tetë vjet është vetëm fillimi.
Discussion about this post