Kryeministri Rama dhe kancelarja Merkel do të takohen sot në mesditë. Takimi pritet të mbahet rreth orës 14 dhe tema kryesore e takimit do të jetë proccesi i Integrimit të Shqipërisë. Po kështu Rama dhe Merkel do të bisedojnë për marrëdhëniet dypalëshe si dhe çështjet rajonale. Agjenda e takimit është publikuar në faqen e qeverisë gjermane.
Takimi vjen pak ditë pasi një deputet i CDU/CSU të Merkel ishte në Tiranë dhe deklaroi se Shqipëria nuk i ka përmbushur 7 kushtet për çeljen e negociatave. Gunther Krichbaum tha se nuk ka hapje të negociatave pa plotësuar këto kushte.
Por një ditë më parë, kryeministri Rama e quajti Krichbaum “populist” dhe tha se ai flet në titull personal pasi nuk ka mandat nga askush. Edhe kjo çështje pritet të jetë temë e bisedës mes Merkel dhe kryeministrit Rama.
