Pas takimit me Merkelin Rama nxiton të japë përshtypjet: Gjermania mbështetje Shqipërisë në dhjetor

Kryeministri Edi Rama pas takimit të zhvilluar me kancelaren gjermane Angela Merkel, ka nxituar të japi përshtypjet e tij, menjëherë pas takimit të rëndësishëm për të.

‘’Faleminderit Kancelares Merkel për mirëkuptimin e plotë dhe mbështetjen që Gjermania i ka dhënë e do t’i japë Shqipërisë edhe në dhjetor’’, shkruan Rama në profilin e tij në ‘’Facebook’’.

Sot Merkel, edhe pse përgëzoi Shqipërinë për transformimn e saj rrënjësor, i kujtoi Ramës përmbushjen e 5 prioriteteve deri në anëtarësimin në Bashkimin Europian: Reforma në drejtësi, lufta ndaj krimit të organizuar dhe korrupsionit, dhe çështja e zgjedhjeve ishin ato të theksuara nga Merkeli.