Balla detaje nga negociatat: Lajm i shkëlqyer! Zgjedhjet? Normale për vendet aspirante në BE

‘’Lajm i shkëlqyer’’, kështu e ka cilësuar Taulant Balla ngjarjen e sotme, takimin Rama-Merkel dhe kushtet vendosur nga kancelarja gjermane.

Socialisti, I pyetur për kushtin e zgjedhjeve komenton se është krejt normale për vendet aspirante për në Bashkimin Europian.

‘’Nuk ka ndonjë dyshim askush që në Shqipëri pas 6 muaj do zhvillohen zgjedhjet e ardhshme, nëse kishte ndonjë që është në dyshim se do zhvillohen zgjedhjet është çështje informimi.

Gjthmonë një vendi aspirant për BE, para zgjedhjeve i kërkohet një angazhim të të gjitha palëve për të garantuar zgjedhje të lira dhe të ndershme.

Por kancelarja gjermane u ndal vetëm në 5 prioritetet përcaktuar nga KE-ja dhe një parakusht: Është procesi i Vettingut.

Çdokush që do mundohet të kapet në fjalët e kancelares, kemi vetëm 3 prioritete dhe një kusht: Ligji i Vettingut, kush është kundër këtij ligji është kundër integrimit.’’, thekson Balla për ‘’Neës24’’.

Por çfarë do ndodhë më tej me negociatat për anëtarësimin e Shqipërisë në Bashkimin Europian dhe pse kryeministri Edi Rama ka përmendur mbështjen gjermane në muajin dhjetor?

Deputeti socialist sqaron nga Berlini se kthesa pozitive mund të merret në 15 dhjetor.

‘’Nëse deri në 15 dhjetor do të ketë fillim të zbatimit të Ligjit të Vettingut, këshilli do t’i kërkojë komisionit të raportojë në çfarë faze jemi me zbatimin e Ligjit të Vettingut. Nëse fatmirësisht do miratohet, atëherë do hedhim një hap të rëndësishëm për integrimin europian. Pra komisioni do raportojë te këshilli dhe Këshilli Europian do japë miratimin për hapjen e negociatave.’’, përfundoi Balla.