Pas takimit të djeshëm në Berlin, Ministrja e Integrimit Klajda Gjosha duket se i është futur seriozisht punës. Në një konferencë për mediat, ajo tha se janë gati të flasin me opozitën për çështjen e “Vettingut”. Sipas ministres, procesi i integrimit i përket shqiptarëve dhe zgjedhjet janë kriter, por nuk janë kusht për integrimin.
“Ligji i “Vettingut” është një kusht thelemor, ne jemi të gatshëm që të bisedojmë me opozitën për ta vënë këtë ligj sa më parë në zbatim. Le të shohim vendimin që do të marrë Komisioni i Venecias në fillim të dhjetorit dhe më pas të fillojmë implementimin e menjërshëm të reformës në drejtësi. Për procesin e integrimit është e pamundur të vendosim data. E rëndësishme është që reforma në drejtësi ,nga letra të kthehet në realitet.”, u shpreh ministrja.
Gjosha shton se kancelarja gjermane Angela Merkel, i ka vlerësuar reformat e ndërmarra deri më tani.
Vetëm një ditë më parë, ministrja ishte e pjesë e delegacionit të qeverisë shqiptare në vizitën në Berlin dhe në takimin me Kancelaren Angela Merkel.
Lidhur me këtë takim ajo u shpreh: “Nuk jemi në fazën e vendimamarrjes së parlamentit. As nuk duhet të habitemi, as të abuzojmë me qëndrimet e deputetëve. Për ta është një proces i natyrshëm politik. Prandaj ne duhet të fokusohemi në procesin tonë”.
Ministrja nuk la pa falenderuar dhe Gjermaninë për mbështetjen që po i jep procesit të integrimit në vendin tonë.
Discussion about this post