Duke filluar nga prilli i vitit të ardhshëm, shqiptarët do të kenë më në fund mundësi të udhëtojmë me avion me cmime “low cost”.
Gjatë vizitës në Budapest, Ministri i Transportit dhe i Infrastrukturës Sokol Dervishaj, nënshkroi një Memorandum Bashkëpunimi, që i hap rrugë fillimit të flututimeve të kompanisë “low cost” WIZZAIR, në muajin Prill 2017.
Sipas Dervishajt, fillimi i fluturimeve të kësaj kompanie do të hapë edhe më shumë tregun shqiptar dhe do të ndikojë drejtëpërdrejtë në uljen e çmimeve të biletave. Gjithashtu ai shton se rivendosja e një linje ajrore mes 2 shteteve, përveç ndikimit pozitiv që do të ketë në sektorin turizmit, zgjeron mundësinë për shkëmbimet tregtare.
Dervishaj foli edhe për Aeroportin e Kuksit, duke lënë të hapur mundësinë që të vihet edhe ai në përdorim.
“Do të doja të shikonim hapësirën që kompania ajrore WIZZAIR, të vijë dhe të operojë direkt, qoftë dhe me konçesion këtë aeroport”, ka thënë Dervishaj.
Ministri i Zhvillimit Kombëtar të Hungarisë, Miklós Seszták, e mirëpriti propozimin për një përfshirje të mundshme të kompanisë në fjalë, në Aeroportin e Kuksit.
Dy zyrtarët e lartë ranë dakort që të vijojnë takimet për të konkretizuar bashkëpunimin në sektorët të ndryshëm të ekonomisë.
Discussion about this post