Futbollisti mësoi se do të bëhej baba, një javë para se të humbte jetën në aksidentin ajror

Lojtari i futbollit brazilian, Tiago da Rocha Vieira Alves, i njohur ndryshe si “Tiaguinho”, është një prej 76 viktimave të aksidentit të rëndë ajror që u shënua mëngjesin e djeshëm në Kolumbi. Ai ishte pjesë e formacionit të skuadrës Chapecoense që pritej të luante sot përballë “Atletico International”. Një ditë pas ngjarjes tragjike, detaje të ndryshme janë postuar nga mediat ndërkombëtare lidhur me jetën përtej fushës së gjelbërt të futbollistëve.

E tillë është edhe një video e publikuar nga CNN, që tregon momentin kur lojtari brazilan “Tiaguinho” mëson se do të bëhet baba për herë të parë. Këtë lajm të bukur për të, lojtari e ka ndarë me shokët e tij të skuadrës. Rreth dy javë më parë, ai dhe bashkëshortja e tij, festuan përvjetorin e martesës. “Shtatzëninë e gruas së tij e cilësonte si një mrekulli të vogël. Jemi të lumtur që ai e përjetoi këtë gëzim të fundit. Ishte një njeri shumë i mirë që kujdesej për familjen e tij, pavarësisht largësisë.”, është shprehur një i afërm i lojtarit.