Një konflikt mes dy nxënësve të një shkolle të mesme është shënuar ditën e sotme në qytetin e Sarandës. Mësohet se njëri prej tyre ka goditur me mjet prerës 16-vjeçarin me iniciale A. D., i cili është transportuar menjëherë në spitalin rajonal.
Njoftimi i policisë:
Rreth orës 11:00, në një shkollë të mesme ka ndodhur një konflikt i çastit midis dy nxënësve ! Policia ka shkuar menjëherë në vendgjarje dhe ka konstatuar se në Shkollën e Mesme Ekonomike “Antoni Athanas” në lagjen nr.3 Sarandë, dyshohet se shtetasi A.D., 16 vjeç (nxënës i vitit të 1-rë) pas një konflikti për motive të dobëta brenda ambienteve të shkollës, ka qëlluar me mjet prerës “biçak” në kofshën e majtë, shtetasin D.K., 18 vjeç (nxënës i vitit të 3-të), i cili ndodhet në Spitalin e Sarandës, jashtë rrezikut për jetën. Policia ka shoqëruar autorin e dyshuar shtetasin A.D, me të cilin po punohet për sqarimin e rrethanave të konfliktit. Po punohet për dokumentimin e plotë të ngjarjes.
Discussion about this post