Kryebashkiaku i Tiranës, Erion Veliaj, ka qenë sot i pranishëm në inaugurimin e mensës së më të re, të hapur në Shkozë, në shërbim të njerëzve në nevojë, fëmijëve, të moshuarve. Nga momentet e kapura gjatë këtij aktiviteti, kryetari i Bashkisë shfaqet larg kostumit të një kryebashkiaku dhe në shërbim të qytetarëve. Me përparëse dhe atlete, ai është fotografuar duke iu shërbyer ushqim njerëzve në mensë, apo duke qëndruar në një tavolinë me fëmijët dhe të moshuarit.
“Besoj se qyteti vërtet ka probleme, por nuk duhet të vuajë qyteti për disa vakte ata që kanë nevojë dhe për të gjithë ata që janë në një moshë të thyer dhe që kanë nevojë për dorën e qytetit dhe të shtetit. Ndoshta, do të lëmë disa gjëra të tjera pa bërë, por mendoj se kur u kushtojmë rëndësi fëmijëve, të moshuarve, njerëzve në nevojë, i gjithë qyteti bëhet pak më i mirë”, ka nënvizuar ndër të tjera kreu i Bashkisë.
Discussion about this post