Pas përfundimit të mbledhjes së grupit të Partisë Demokratike, kryetari Lulzim Basha deklaroi se i ka kërkuar sërish Gjykatës Kushtetuese që të ripërsërisë kërkesën ndaj Komisionit të Venecias, pasi Kushtetuta e re dhe ligji i Vettingut është përkthyer gabim.
“Kemi informuar Gjykatën Kushtetuese dhe Parlamentin se përkthimi i Kushtetutës së re dhe Vettingut ka gabime të mëdha. I kemi kërkuar Gjykatës Kushtetuese të ripërsërisë kërkesën ndaj Komisionit të Venecias. Do informojmë zyrtarisht edhe Komisionin e Venecias për këtë problem”, ka thënë Basha për mediat.
Çështjen e Vettingut Rama e cilëson si kusht për anëtarësimin në BE, por sipas Bashës ai “Mund t’ja shesë vetëm gomerëve këtë, se njeri që ta besojë në faqe të Shqipërisë nuk ka”.
Ndërkohë kreu i opozitës është shprehur kundër buxhetit të ri të vendosur duke e cilësuar atë si “antiosocial”. Sipas tij, buxheti i 2017-ës parashikon sërish rritje të taksave.
“Është buxheti që i merr shumicës dhe i jep pakicës. Do rriten taksat, duke i çuar ato në 430 milionë dollar në vit. Rama tre vite më parë erdhi në pushtet se do ulte taksa, tani u mori 1.5 milionë dollar më shumë shqiptarëve duke i rritur taksat. Ai i detyron shqiptarët që të blejnë gaz ose naftë, ndihmon ndonjë mik të Ramës ose ministër. E gjithë rritja e taksës bëhet për të rënduar xhepat e qytetarëve. Edhe këtë vit, 80 mijë dollar ia ka dhënë vetes së tij. Për pagat dhe pensionet ka premtuar t’i rrisë nga prilli, para se t’i marrë ndëshkimet popullore me votë po i rrit. Por sap o i rrit? Pagat dhe pensionet nuk rriten me dekret qeverie, por i rrit ekonomia. Në fund të qeverisjes së tij njerëzit paguajnë më shumë taksa dhe blejnë më pak se të ardhurat që kanë. Shëndetësinë falas. Ai tha se do të jetë falas.”, tha Basha për mediat.
Ai shtoi gjithashtu se nëse partia e tij vjen në pushtet do të ketë ulje taksash dhe do riimplementohet taksa e sheshtë.
