Një shpërthim i fuqishëm ka tronditur Athinën mëngjesin e sotëm. Në kuzhinën e Fast Food “Everest”, në një nga zonat më të populluara në Athinës janë shfaqur flakët e shpërthimit të madh.
Raportohet nga mediat greke se deri më tani janë 6 të plagosur, mes tyre dhe një grua, e cila ndodhet në gjendje të rëndë. Tre prej të plagosurve janë klientë. Gruaja e cila ishte edhe pronarja e dyqanit ka ndërruar jetë pak minuta më vonë.
Sipas dëshmitarëve okularë, personat e lënduar kanë marrë ndihmën e parë nga disa njerëz të rastësishëm aty, të cilët shkuan në një farmaci që ndodhej shumë afër dhe ju dhanë ndihmën e parë.
Në operacionin e shuarjes së zjarrit, ku u dogj plotësisht bodrumi në të cilën ndodhej kuzhina, morrën pjesë 35 zjarrfikës me 15 automjete.
Policia ka bllokuar të gjithë zonën, pasi shpërthimi shkaktoi dëme serioze në dyqanet aty pranë, shtëpitë në këtë zonë, si edhe më makinat dhe motoçikletat e parkuara aty.
Biznesi ndodhet në në hyrje të stacionit të metrosë në sheshin Victoria dhe ka dëmtuar edhe bizneset pranë tij. E gjithë zona është mbuluar nga tymi.
Dyshohet se shpërthimi mund të ketë ndodhur gjatë punimeve për instalimit e sistemit të gazit në kuzhinën e nëndheshme të lokalit.
Discussion about this post