Ndërtimi i Aeroportit të Jugut, është një prej projekteve që pritet të nis dhe realizohet së shpejti. Dilema dhe pikëpyetja më e madhe për Qeverinë është vendodhja, pra ku do të vendoset për t’u ndërtuar ky aeroport. Fillimisht u përfol për qytetin e Gjirokastrës, tashmë në listen e kandidatëve janë shtuar edhe qytete të tjera, Vlora, Saranda, Korça dhe Fieri.
Këto janë qytetet e përcaktuara si kandidate për ndërtimin e aeroportit të tretë ndërkombëtarë pas Rinasit dhe Kukësit. Duke pare se qyteti i Vlorës dhe Fierit ndodhen shumë afër aeroportit të Rinasit, më favorizuesja dhe kandidatja më potenciale për t’u ndërrtuar aeroporti shihet Saranda.
