Një detaj i rëndë është zbardhur lidhur me aksidentin tragjik të shënuar pak ditë më parë në Kolumbi, ku humbën jetën mbi 70 persona. Mediat ndërkombëtare njoftuan ditën e djeshme se shkak i rrëzimit të avionit ishte bërë mungesa e furnizimit të tij me karburant. Bëhet e ditur së fundmi se furnizimi me karburant u shmang për shkak të një video game-i.
Ka qenë kreu i klubit të futbollit, Chinho Di Domenico (i cili gjithashtu humbi jetën në aksidentin ajror), ai që ka sqaruar shkakun e vonesës përpara se të ndodhte tragjedia. Në bisedat që ekipi zhvillonte në aplikacionin “Whtasapp”, Domenico ka treguar se një prej lojtarëve kishte vonuar nisjen e fluturimit pasi kishte harruar të merrte me vete lojën e tij, një video game.
Shtyrja e itinerarit u bë shkak për mosndalesën në një pikë karburanti në Cobija (ku ishte planifikuar të kryhej furnizimi), për shkak se ky aeroport nuk ka funksionuar pas mesnate. Për pasojë, avioni “Lamia” udhëtoi 20 minuta më tepër se sa kapaciteti 4-orësh i karburantit. “The Daily Telegraph” njoftoi se Bolivia i ka pezulluar sot certifikatën linjës ajrore “Airline Lamia”. Ky vendim është kundërshtuar nga presidenti i kësaj linje ajrore, Gustavo Vargas, i cili deklaroi për mediat vendase se ishte faji i pilotit që vendosi të vazhdojë udhëtimin pa u furnizuar me karburant.
Discussion about this post