Dy shtetas janë vënë në pranga dhe 34 pako kanabis sativa janë sekuestruar, si rezultat i kontrolleve në pikën doganore të Kapshticës. Policia ka kryer arrestimin e shtetasve: Besim Zenuni 55 vjeç, drejtues i mjetit tip “Peugeot” ku u gjet lënda narkotike dhe Elmira Elezi që ndodhej në mjetin e ndaluar.
Mësohet se dy të arrestuarit kishin si destinacion Turqinë. Gjatë kontrollit, u gjet dhe sekuestrua një sasi prej 23 kilogramë lëndë narkotike “Cannabis sativa”.
