Kalimtari që humbi jetën mbrëmjen e kaluar pas aksidentit në rautostradën Tiranë-Durrës është 75 vjeçari me iniciale R.H.
23-vjeçarja që aksidentoi ka rënë në prangat e policisë.
Mësohet se Tesi Hysi 23 vjeç, banuese në Durrës, ka aksidentuar me pasojë vdekjen, të moshuarin me iniciale R. H. 75 vjeç.
Trupi i viktimës i mbetur në rrugë është shtypur edhe nga automjete të tjera njëra pas tjetrës.
Aksidenti rrugor është shënuar teksa këmbësori po kalonte trafikndarësen.
23-vjeçarja akuzohet për “Shkelje të rregullave të qarkullimit rrugor”. Sipas njoftimeve, Hysi e tronditur nga ngjarja, e ka kaluar natën në Spitalin Rajonal të Durrësit.
Discussion about this post