Kryetari i opozitës Lulzim Basha, në vizitën e tij në Delvinë, u tha qytetarëve se gjendja në vend është e padurueshme dhe ka ardhur ora e ndryshimit.
Sipas tij, shqiptarët janë braktisur nga qeveria që ekziston në botën e saj të luksit dhe përmend çështjen e dermatozës duke ia faturuar autorësinë e fajita kryeministrit.
“Në këto 3 vite janë dhënë 1 miliardë dollarë për shëndetësinë, por jo vetëm që nuk është shpenzuar asnjë lek për përmirësimin e shërbimit i cili është përkeqësuar, por paratë kanë shkuar në 2-3 klientë të Edi Ramës. Ndërkohë që Shqipëria po lëngon nga papunësia, nga varfëria, nga padrejtësia dhe po zbrazet nga rinia, nga qytetarët, nga të papunët por edhe nga profesionistët, kur populli është i përmbytur, Edi Rama merr avionin për eskpozitë në Nju Jork. Sëmundja e dermatozës nodulare bën kërdinë tek fermerët në zona të tëra të Shqipërisë, Edi Rama merr avionin dhe shikon ndeshje sporti. Shqiptarët kërkojnë atë që është e tyrja dhe u takon, kërkojnë Shqipërinë, resurset e Shqipërisë, buxhetin e Shqipërisë të përdoret për shqiptarët, të përdoret për shumicën”, tha Basha.
Ndër të tjera Basha tha që ka ikur në Delvinë pikërisht për të diskutuar rrugët e zgjidhjes të problemeve të këtyre banorëve.
