Blondi Smërqaku, një tifoz i Gjilanit i cili ishte pjesë e grupit të tifozëve “Dardanët” në ndeshjen Kosovë–Kroaci të zhvilluar më 6 tetor në Shkodër, i kishte humbur kuleta me gjithë dokumentat që i kishte në të.
Smërqaku as nuk e kishte menduar që kjo kuleti do t’i kthehej sërish, por për habinë e tij kjo ndodhi.
“Në ndeshjen Kosovë – Kroaci e luajtur në Shkodër më kishte humbur kuleta me gjithë dokumentat që ishin në të. Pas katër ditësh lajmërohet në Facebookun tim një zonjë shumë bujare, doktoreshë, e cila më lajmëron se është gjetur kuleta ime dhe më ndihmoi t’i kem prapë dokumentet. Ajo është Margaret Lleshi Guraziu, të cilën e falënderoj shumë bashkë me kolektivin e saj”, ka thënë Smërqaku për Gazetën “Sheshi”.
Megjithatë, kuleta atij i ka shkuar në dorë vetëm pas dy muajsh nëpërmjet postës.
Ndodh shumë shpesh të të humbasë kuleta, sidomos nëpër ndeshje kur ka shumë njerëz, prandaj ky djalë nga Kosova duhet ta ndejë vetën me fat. Rallë ndodh të të bjerë një kuletë në duar dhe ti ta kthesh atë.
Discussion about this post