Janë zbardhur detaje për ngjarjen tronditëse të ndodhur ditën e djeshme në qytetin e Fierit, ku 43-vjeçarja Liljana Ruko është hedhur nga dritraja e banjës së banesës ku ajo jetonte, nga kati i katërt . Menjëherë për këtë ngjarje është shoqëruar nga policia bashkëshorti i së ndjerës, Ferdinand Ruko. Sipas dëshmisë së tij krimi është kryer nga ai në gjaknxehtësi e sipër, por nuk ka pasur qëllim ta vriste.
Liljana Ruko është shtyrë nga burri i saj dhe në këtë mënyrë ajo ka rënë nga dritarja e banjës. “Debatuam me njëri-tjetrin. Në gjaknxehtësi dhe sipër e shtyva. Ajo ra nga dritarja”, tha Ferdinati për policinë. Çifiti kishte patur një sherr të fortë pak minuta para ngjarjes dhe burri më pas ka ndërmarrë aktin ekstrem duke e hedhur gruan nga dritarja.
Ishin komshinjtë dëshmimtarët e familjes Ruko që pohuan para policisë se kishte qënë Ferdinandi ai që e kishte shtyrë nga dritarja gruan e tij. Sipas komshinjëve 43-vjeçarja ishte lakuriq dhe ishte përpjekur të mbahej por burri e kishte shtyrë nga këmbët. Çifti kishte dy javë që ishte kthyer nga Gjermania ku kishin kërkuar azil, por nuk e kishin fituar. Liljana Ruko ishte nënë e dy fëmijëve, e cila nuk mundi t’i shpëtonte plagëve të marra nga hedhja edhe pse morri menjëherë ndihmën e parë.
Liljana Ruko punonte ne nje rrobaqepse dhe sipas fqinjëve ishte një njeri shumë i mirë. Fqinjët shprehen se nuk dinë që Liljana të ketë patur probleme me bashkëshortin. “E lëshoi poshtë si një thes. Nuk mundëm të reagonim. Ngjarja është e tmerrshme dhe jemi të tronditëm. Nuk e njoh viktimën, por u ndodha rastësisht në momentin e krimit”, tha një dëshmitar për Ora News. Ngjarja ka ndodhur në lagjen “Kryengritja” të Fierit
Discussion about this post