Barazimi i regjistruar në Shkodër dhe penalltia e humbur nga Salihi nuk është kapërdirë mirë nga trajneri Andrea Agostineli.
Tekniku italian i korçarëve u shpreh i mërzitur për rezultatin e marrë ndaj Vllaznisë, pavarësisht se nga ana tjetër ai tha se vazhdon të jetë skaudra më e mirë.
“Kemi gabuar dy penalltitë e fundit, si me Kukësin edhe me Vllazninë, normalisht nuk duhej të bënim një gabim të tillë por ja që ndodhi. Ekipi ka nevojë për të fituar, për të fituar duhet të luajmë në mesfushën e kundërshtarit siç bëmë edhe sot. Duhet të jemi më të kujdesshëm në repartin offensiv, tentuam për golin por nuk erdhi. Mendoj që Salihi është një protagonist kryesor për të gjuajtur penalltinë. Ishte i vendosur për ta gjuajtur penalltinë ndaj e gjuajti. Duke qenë se ka humbur dy të fundit, ku i bien të kemi humbur 4 pikë. Gjithsesi pastaj do të flas me Salihin për këtë pjesë, është normale që herë tjetër mund ta gjuajë dikush tjetër”.
Skënderbeu vazhdon ruan kreun më 28 pikë dhe ka shënuar 13 gola në 14 ndeshje.
Discussion about this post