Gruaja në foto është Marsela Toshi, 24 vjeçe, bashkëshortja e Naum Toshit, babait që vari sot me duart e tij dy fëmijët e mitur, 4 dhe 6 vjeç, e më pas veten. Pak përpara krimit, ai kishte lënë një shënim në katin e parë të banesës, ku shkruante: “Ngjituni lart”.
Nga informacionet e para, mësohet se fqinjët kanë deklaruar në polici se bashkëshortja e viktimës ka qenë në banesë deri pas mesnate dhe ulërimat e fëmijëve janë dëgjuar pak pas largimit të saj.
“Gruaja ka qenë në banesë deri në orën 02:00. Ajo kishte shkuar për të marrë fëmijët. Dyshojmë se ngjarja ka ndodhur pasi ajo është larguar. Pak më vonë dëgjuam ulërimat e fëmijëve. Ai i mbyti fëmijët në gjumë, pastaj u vetëvar. Dy djemtë u gjetën të pajetë në krevat, ndërsa ai i varur. Përpara se të kryente krimin, Naumi tha se do të bënte një gjë.”, janë shprehur ata.
Të pyetur për marrëdhënien e çiftit, fqinjët kanë treguar se bashkëshortja e Naum Toshit, Marsela Toshi 24 vjeçe, punonte në një lokal nate. Çifti kishte pasur debate pasi 41-vjeçari nuk e linte të punonte, veprim për të cilin ajo edhe e kishte denoncuar.
Motra e autorit të krimit të rëndë bëri të ditur menjëherë pas ngjarjes se vëllai i saj Naumi, ishte braktisur nga bashkëshortja dy muaj më parë. E pyetur për gjendjen psikologjike të të vëllait, ajo tha se Naimi dukej mirë pasi e takonte shpesh duke qenë se shtëpitë ndodhen pranë njëra-tjetrës.
Nga informacionet më të fundit, bëhet me dije se trupat e pajetë të tre viktima janë nxjerrë nga banesa.
Discussion about this post