Valbona Berisha, 32 vjeçe, është shqiptarja që akuzohet nga drejtësia italiane për “sekuestrim personi”, ndaj së cilës Prokuroria italiane ka lëshuar urdhër-arresti. Një kalvar i gjatë hetimesh, kërkimesh, përbën historinë e shqiptares që më 17 dhjetor 2014 u largua me djalin e saj 6-vjeçar drejt Sirisë.
Zhdukja e tyre u denoncua nga bashkëshorti i saj, Afrim Berisha, rreth një vit më parë. Çifti me tre fëmijë (dy vajza dhe një djalë), jetonte në Itali prej vitesh, deri kur Valbona Berisha, rezidente në komunën Barzago të Lombardisë, vendosi t’i bashkohej idealeve të Shtetit Islamik.
Pavarësisht përpjekjeve dhe tentativave, Afrim Berisha nuk mundi dot të mbërrinte në Siri dhe të gjente familjarët e tij.
Ekspertë të antiterrorizmit e cilësojnë këtë si një rast të rëndë, duke marrë në konsideratë se djemtë e kësaj moshe janë më të preferuarit për luftëtarët e Shtetit Islamik, pasi mund të manipulohen dhe stërviten lehtë.
Discussion about this post