Nga Dritan Kaba –
Pas humbjes së Renzit, Bushati do evidentojë rrugët e zgjidhjes për call center. Ministri i Ekonomisë dhe i Punës do i shohin mundësitë për të biseduar me ministrat homologë që sot janë kthyer në ish-a.
Kësaj i thonë, si kofini pas të vjeli. U kujtuan shumë vonë, vetëm pas burive dhe daulleve të alarmit të rrjeteve sociale. Ligji tashmë ishte miratuar dhe kishte marrë formën e plotë në Parlamentin italian. Asnjë informacion ose reagim nga përfaqësuesit e Shqipërisë, që paguhen nga taksapaguesit shqiptarë për të mbrojtur interesat e vendit në Itali. Gjumë dhe turizëm.
Tifozllëk në stadiume dhe në politikë. Shëtitje dhe vakanca me paratë e atyre që këto ditë mund të humbasin punën. Dorëheqja e Kryeministrit italian, nuk ndikon në shqyrtimin e ligjeve që Senati ka në rend të ditës për miratim. Bëj habi po të mos kishin shkruar mediat shqiptare online, ose siç i thonë rëndom, mediat e “kazanit”, a do të kishte reagim nga ana e ministrave përgjegjës?
Unë mendoj se jo. Reagimi duhet të ishte para se të votohej nga Parlamenti italian. Atëherë mund të kishin ndikim. Tani 25 mijë të rinjve do ju gjejë pune ministrja Ekonomi me zbulimin e saj nobelian tek “brandi Rama” Suksese në jetë! Uron Milva dhe Ditmiri së bashku me ambasadën shqiptare në Romë dhe konsullatat në Bari dhe Milano, mbi 25 mijë tërinj që janë të punësuar nëaktivitetet Call Center.
Fajin e kanë vetë, telefonojne gjithe Italine dhe nuk i ben nje telefon ministrave te nderuar, qe jane te zënë me aktivitetete të tjera më të rëndësishme se sigurojnë vendet e tyre të punës. Me daljet e përditshme në televizione, që nuk lenë një minut pa i transmetuar “live”, në diskursin e tyre të përditshëm për punën e madhe që po bëjnë.
Discussion about this post