Puntata e sotme e emisionit “Opinion” i dedikohet dy ngjarjeve tragjike që kanë tronditur opinionin publik në orët e fundit, ajo e Fierit, ku bashkëshorti hodhi nga dritarja e banesës bashkëshorten e tij dhe ajo e Korçës, ku babai vari dy fëmijët e tij të mitur dhe më pas vari edhe veten.
Lidhur me ngjarjen e Korçës, gazetari Dashamir Biçaku dha disa detaje të reja.
“Marsela Toshi ishte martuar dy herë dhe nga martesa e parë kishte djalin 6-vjeçar. Ajo dhe Naum Toshi ishin njohur në Facebook dhe kishin jetuar dhe punuar për disa kohë në Greqi. Fqinjët flisnin për një vajzë jo me moral të mirë dhe ditën e djeshme ajo ishte kthyer në banesë dhe kishte debatuar me bashkëshortin e saj”, rrëfehu ai.
