“Luftë” brenda familjes Xhaka, vjen dueli i tretë Taulant-Granit

Vijojnë duelet mes dy vëllezërve shqiptarë, Taulant dhe Granit Xhaka, i disati për këtë vit.

Në “St. Jacob Park”, Taulanti do të jetë sërish përballë Granitit, ashtu siç ndodhi në Euro 2016 dhe ashtu siç u përsërit në “Emirates” në sfidën e parë mes dy ekipeve në Champions League.

I pari që luan për Basel do të jetë me të gjitha gjasat në formacion, si një nga lojtarët kryesorë që mund të krijojnë rezistencën ndaj sulmit të “Topçinjve”.

Ndërkohë, mesfushori kosovar që firmosi këtë verë në ishull, mund ta nisë nga pankina pasi sipas mediave angleze, nuk kuotohet për një vend në skemat e trajnerit Arsene Wenger. Arsenali luan të martën ndaj Basel me shpresën për të fituar që të marrë vendin e parë në grup në duelin direkt me PSG.

Ndërkohë, formacioni helvetik ka shanse të marrë vendin e tretë në dëm të Ludogorets dhe si rrjedhojë të hyjë në fazën tjetër të Europa League, jo objektivi maksimal por sidoqoftë më mirë se dalja totalisht jashtë kompeticioneve.