Gjykatësi spanjoll u mbyll gojën 12 mediave europiane që publikuan dokumentet sipas të cilave Christiano Ronaldo dhe Joze Murinjo janë pjesë e një sistemi shumëmilionësh të shmangies së taksave.
Në kërkesën e gjykatësit Arturo Zamarriego, thuhet se të dhënat e “Football Leaks” janë siguruar me anë të një sulmi kibernetik ndaj “Senn Ferrero”-s, firma që këshillon personalitetet e sportit rreth taksave.
Zamarriego kërkon që 12 mediat të cilat janë pjesë e Bashkëpunëtorëve Investigativë Europianë (EIC) , mes të cilave spanjollja “El Mundo”, gjermania “Der Spiegel” dhe francezja “Mediaprint” , të mos i publikojnë informacionet e siguruara.
Bazuar në dokumentet e rrjedhura të siguruara nga përjavshmja gjermane Der Spiegel, futbollisti Christiano Ronaldo mund të ketë “fshehur” 150 milionë euro në Zvicër dhe në Ishujt e Virgjër Britanikë.
Më shumë se 18 milionë dokumente të zbuluara po shqyrtohen.
Në javët që vijnë, organizatat e mediave, ku përfshihen Der Spiegel në Gjermani, The Sunday Times në Britani dhe El Mundo në Spanjë, thonë se nuk do ndalen por do të publikojnë gjithashtu edhe akuza për prostitucion dhe shfrytëzim të të miturve në futboll.
Discussion about this post