Tentoi të vriste bashkatdhetarin, arrestohet në Itali shqiptari

Një 25-vjeçar shqiptar me iniciale G.E., u arrestua nga policia italiane në komunën e Revellos pasi akuzohet për vrasje të mbetur në tentativë.

Mediat italiane raportojnë se për të riun shqiptar ishte lëshuar një urdhër ndalimi nga Prokuroria e Përgjithshme e Torinos për një vrasje të mbetur në tentativë.

Bëhet fjalë për një ngjarje të ndodhur në 2012, ku i riu shqiptar kishte hyrë në banesën e një bashkatdhetari të tij dhe kishte tentuar ta vriste në gjumë me çekiç dhe thikë, për shkak të disa mosmarrëveshjeve që kishin më parë.

Personi, i cili mbeti i plagosur rëndë nga ky sulm arriti që të zgjohej në kohë duke reaguar. Ai më pas ka dalë në rrugë për të kërkuar ndihmë.

25-vjeçari shqiptar i arrestuar ndodhet në paraburgim në Saluzzo dhe rrezikon të dënohet me 8 vjet e 6 muaj burg.