Gjykata e Krimeve të Rënda ka refuzuar kërkesën e 9 të akuzuarve së bandës së kokainës në Xibrakë. Grupi i kokainës së Xibrakës kërkoi para gjykatës gjykim të shkurtuar, por që u hodh poshtë nga kjo e fundit.
Mes 9 të akuzuarve për këtë bandë është edhe nipi i ish-diktatorit Enver Hoxhës, Ermal Hoxha. Këta persona janë arrestuar që prej janarit të vitit 2015 nga policia pasi ju është bllokuar një sasi prej 121 kilogramë kokainë, një arsenal armësh, një laborator që përdorej për përpunimin, amballazhimin dhe përgatitjen e lëndës narkotike për tregun e huaj.
Në këtë operacion policia arrestoi edhe dy shtetas kolumbianë, të cilët ishin të specializuar për përpunimin e drogës. Arrestimet u krye nga një bashkëpunim i Interpolit, Euro-Polit dhe policisë shqiptare në kuadër të operacionit “Xibraka”. Operacioni u finalizuar në 14 janar të viti 2015 në Labinot Fushë në fshatin Xibrakë të Elbasanit. Laboratori ishte vendosur në një magazinë të madhe, që ishte kthyer në laborator droge, ndërsa më parë përdorej si stallë lopësh. Gentjan Gjonaj,Arjan Dalipi, Ilir Hyseni, Kelmend Dalipi,Ermal Hoxha, Sajmir Pitarku, Cezar Avila dhe Walther Morena janë të arrestuarit për këtë ngjarje.
Discussion about this post