Një tërmet i fuqishëm, me magnitudë 6.5 ballë ka goditur rajonin Aceh në Indonezi duke shkaktuar 25 viktima. Tërmeti i regjistruar 19 km në jug-lindje të qytetit Sigli, ka shembur dhjetëra ndërtesa duke i bllokuar njerëzit nën rrënoja.
Agjencia Meteorologjike në Indonezi bëri me dije se fatmirësisht nuk ka asnjë rrezik për cunami. Sipas Shërbimit Gjeologjik amerikan, tërmeti goditi në orën 05:03 (me orën locale) në një thellësi 17.2 kilometra.
Nuk është hera e parë që rajoni indonezian Aceh preket nga tërmetet. I fuqishëm ishte tërmeti nënujor (cunami) i 2004-ës që vrau rreth 120.000 njerëz.
Indonezia është vazhdimisht në shënjestrën e tërmeteve për shkak të pozicionimit të saj në “Unazën e Zjarrit”.
Discussion about this post