Sekuestrohen 215 kg drogë në Vlorë, drejtuesi braktis mjetin

Një sasi e konsiderueshme prej 215 kilogramë lëndë narkotike është sekuestruar së fundmi në Vlorë.

Mjeti që transportonte lëndën narkotike u ndoq nga policia pas dyshime për trafik droge, por drejtuesi i mjetit mundi të arratisej.

Policia kreu bllokimin e lëndës narkotike të paketuar në 53 pako, mbështjellë me natriban transparent dhe ka nisur hetimin për identifikimin dhe kapjen e të implikuarve.

Njoftimi i policisë Vlorë:

Policia ka sekuestruar 215 kg (kilogram) lëndë narkotike Canabis Sattiva, në një automjet. Më datë 06.12.2016, shërbimet e policisë kanë konstatuar një automjet të dyshimtë se mund të transportonte lëndë narkotike, në aksin rrugor të lagjes “24 Maji”, i cili nuk i’u është bindur urdhërit të tyre për të ndaluar.

Gjatë ndjekies së mjetit, përballë shkollës “Jani Minga” drejtuesi ka braktisur mjetin dhe është larguar me shpejtësi nëpër rrugicat e lagjes “24 Maji”.

Seksioni për Hetimin e Narkotikëve, gjatë kontrollit të ushtruar në automjetin tip “Furgon-Fiat” (i bardhë), ka konstatuar një sasi me lëndë narkotike të llojit Cannabis Sattiva, e cila pas peshimit të saj ka rezultuar me peshë prej 215 kg (kilogram).

Lënda narkotike ishte paketuar në 53 pako, mbështjellë më thasë sintetikë dhe me natriban transparent, e cila u sekuestrua në cilësinë e provës materiale. Po punohet për dokumentimin e ngjarjes, për identifikimin dhe kapjen e autorëve të implikuar në këtë veprimatri kriminale.