Basha takon Merkelin në Gjermani: Kemi nevojë për mbështetjen e saj, kancelarja ma siguroi

Kryetari i Partisë Demokratike, Lulzim Basha, ka qenë i pranishëm në punimet e kongresit të CDU-së në Essen të Gjermanisë.

Këtë lajm ai e bën vetë me dije teksa ndarë edhe disa foto të shkrepura nga momenti i takimit me kancelaren gjermane, Angela Merkel.

Kreu i opozitës deklaron se në bisedën me kancelaren, i kërkoi mbështetje jo vetëm në integrimin drejt BE-së, por dhe në luftimin e krimit dhe korrupsionit. Mësohet se kancelarja ka shprehur mbështetjen e palëkundur.

“Me ftesë të Kancelares Merkel, mora pjesë në punimet e Kongresit të CDU-së, në Essen të Gjermanisë. Gjatë Kongresit pata mundësinë të bisedoj me Kancelaren Merkel.

E falenderova atë për ndihmën ndaj Shqipërisë dhe shpreha nevojën që ka vendi ynë për mbështetjen gjermane jo vetëm për integrimin në BE, për edhe për të luftuar krimin, korrupsionin dhe për të garantuar demokracinë në vend.

Dua t’i siguroj të gjithë shqiptarët se mbështetja e Kancelares Merkel për Shqipërinë dhe shqiptarët do të jetë e palëkundur.”, shkruan Basha.