Kreu i qeverisë Rama ka marrë menjëherë në mbrojtje ministren e tij të Arsimit, pas protestave që të rinjtë demokratë po bëjnë kundër kësaj. Ditën e sotme janë zhvilluar disa protesta paralele kundër disa prej Ministrave të qeverisë Rama. Vetë kryeministri ka postuar një lajm të Klan Kosova në të cilën shkruhet se KE vlerëson Ministren Nikolla për disa arritje të nxënësve.
Ai iu bën thirrje të rinjve demokratë të lexojnë këtë shkrim:
”Komisioni Evropian i ka dërguar një letër vlerësimi Ministrisë së Arsimit në Programin Ndërkombëtar për Vlerësimin e Njohurive të Nxënësve (PISA) për rezultatet e studimit të vitit 2015.
Kështu, bazuar në raportin e publikuar pardje të PISA-s, letra që mban firmën e përfaqësuese së Komisionit Evropian për Arsimin dhe Kulturën, Helene Skikos, vlerëson ministren Nikolla për punën që ka bërë në fushën e arsimit.
Letra vlerëson edhe punën e kryeministrit si edhe të reformave që janë ndërmarrë në fushën e arsimit, shkruan Panorama.al
“Jemi shumë të lumtur për mbështetjen që ministrja e Arsimit dhe kryeministri u kanë dhënë reformave në arsim në Shqipëri. Pranoni përgëzimet tona për rezultatet fantastike që 15-vjeçarët shqiptarë arritën në PISA 2015. Urime dhe mos hiqni dorë. Reforma në edukim është një rrugë e gjatë”, shkruan letra e Helene Skikos.”
Discussion about this post