Duka flet për Europianin, trukimet dhe Skënderbeun

Presidenti i FSHF-së, Armando Duka, i ftuar në një forum të hapur në Epoka University”, ka folur gjatë për Kombëtaren, eksperiencën në Europian dhe për Skënderbeun.

Kreu i FSHF-së rrëfeu përvojen me kuqezinjtë në Francë, gjithashtu dhe për trukimet e ndeshjeve.

Eksperienca në Europian

“ Ka qenë një ndër ngjarjet më të rëndësishme të jetës, diçka tepër e bukur që nuk ndodh shpesh herë. Një mundësi shumë e bukur që tregoi se ne Shqiptarët dimë të bëjmë edhe gjëra të mira. Të gjtihë së bashku për një muaj kemi folur për këtë eksperiencë, udhëtimin tonë në Europian. Arritja në Europian ka qenë fryt i një pune të palodhshme dhe të madhe të të gjithë stafit dhe njerëzve të futbollit”.

Trukimet

Gjatë bisedës të zhvilluar në “Epoka University”, Duka ka folur dhe për problemin e trukimeve, ku ka theksuar që Skënderbeu nuk është i akuzuar.

“Trukimet janë një fenonomen jo shqiptar, pra dua të them që ekzistojnë në mbarë botën e futbollit. Trukimet janë e keqja e futbollit dhe nuk e di nëse një ditë do ta eliminojnë ekzistencën e tij. Ne e dimë mirë që ky fenomen ka ndodhur dhe në kohën e diktatorit, Kishte raste kur sekretari i parë i Beratit i thoshte sekretarit të parë të Fierit: “Na e lër këtë ndeshje”.

Për Skënderbeun

“Skënderbeu nuk është realisht i akuzuar ose me akuza të faktuara për trukim të rezultateve. Sepse, po të ishte kështu, nuk do të merrte pezullim për një vit në Kupat e Europës. Po të ngrini një paralele, një klub në Maqedoni është akuzuar gjashtë vjet nga futbolli, nuk ka asnjëherë argumentime, por le të themi ka dyshime të forta për disa ndeshje.Kur thuhet që është kanceri i futbollit, pa dyshim që nuk duhet të ekzistojë as te ne.

 Nuk është mirë që Skënderbeu apo çdo ekip shqiptar t’i ketë këto. E thënë nga unë, të argumentuar nuk mund të them që kanë ekzistuar fiksimet e rezultateve në Shqipëri. Dyshimet po, kanë qenë të shumta. Jashtëzakonisht të shumta.Të argumentosh, ose të japësh prova juridike për një ndeshje të trukuar, është pothuajse e pamundur. Sepse nuk mund t’i thuash një futbollisti që “e bëre me dashje apo pa dashje”. Por si organizatë sportive mund të ndërtosh skema të tilla që të ketë sa më pak mundësi tolerimesh. Në këtë këndvështrim, ne kemi bërë shumë progres.