Deputeti socialist Erion Braçe ka reaguar ashpër pas sulmit të medias greke ndaj ministres Mimi Kodheli, duke e cilësuar atë si sulm banal dhe si dhunë ndaj grave.
Sipas deputetit, grekët e kanë gjithnjë një shqiptar që t’i “udhëheqë” në një sulm të ri, duke ngritur kështu dyshimet se mbi tërë këtë histori fshihet dora e një shqiptari.
Postimi i plotë i Erion Braçes:
“Mimi Kodheli i ka degjuar te gjitha deri me sot! Te gjitha! Por nga shqiptare.
Ka nje soj shqiptaresh ne politike qe jane te afte te thone gjithçka.
Sali Berisha eshte njeri dhe, ai i ka thene te gjitha.
Nese greket e llumit kane shtuar edhe me, diçka me shume se ky shqiptar, kjo nuk duhet te habise kerkend.
Greket e kane gjithnje nje shqiptar qe ti “udheheqe” ne nje sulm te ri, shpifje te ndyre e te ulet. Edhe ndaj nje gruaje, po po edhe ndaj nje gruaje.
Ndaj nuk me duket dhe aq greke, pavaresisht se banale, shpifja e fundit e tyre. Jane bashke, prej vitesh jane bashke.
Ne ane tjeter, shoh se ne “lajmet” asnjeanese shqiptare, ka nje referim- “media greke”. Me duhet te bej nje nenvizim te cilin e ben kushdo duke pare Greqine;
Kur behet fjale per nacionalizmin banal grek, ne Greqi nuk ka me media-ne kuptim te institucionit te pavarur, te balancuar, etik dhe profesional; shteti e media atje jane nje.
Ndaj, nga pardje deri sot, nuk ka nje ze te vetem ne Greqi te denoje shpifjen e ulet dhe sulmin banal ndaj nje gruaje shqiptare; nuk ka ne shtet, qeverine e tyre, por nuk ka as ne shoqeri, ne media gjithashtu.
Te kuptohemi,
une as qe pres qe nje “i djegur”, i fryre deri ne gushe me firomen e nacionalizmit dhe i veshur ne menyren me qesharake te mundshme me petka ushtarake, sic ky ministri i Mbrojtjes se Greqise,
te denoje sulmin ndaj nje homologeje, pjestare e tavolines se ngushte te nje familje-NATO-s.
Se ben dot nje grek si ai!
Po ne Shqiperi?
Ne Shqiperi nuk kane te ndenjura-po tregohem i kursyer.
Kur them kete nuk kam parasysh Evangelos Doules,
as ngrihet deri ketu ai.
Po kam parasysh shume e shume te tjere;
Se pari, grate e politikes, me te shumta se kurre, por me te ndara se kurre edhe kur ndodh ky sulm i papare ndaj nje gruaje sic ato.
Deputete apo ministre, duhet ta kishin nje qendrim.
Heshtja nuk ben pune!
Se dyti, grate e angazhuara pertej politikes, ato qe e kane nje ze-pushtet eshte dhe ky, kane luftuar e vijojne ta bejne kete per te nxjerre te tjera gra nga trysnia e dhunes gjithfaresh qe rri mbi kokat e tyre, per shkak se jane gra, pa fuqine e banalitetit te burrave.
Dhune eshte edhe ky sulm i ulet e banal!”, shkruan Braçe.
Vetëm pak ditë më parë, një nga gazetat në shtetin helen ka shkruar një artikull në të cilën thekson faktin se Ministrja jonë e mbrojtjes ka punuar striptiste në një club në Greqi.
‘’Pas aventurës në klubin grek, zonja Kodheli ka shkuar në Amerikë për të mbrojtur një doktoraturë në Marrëdhënie Ndërkombëtare. Por zonja Ministre si grua e arsimuar që është duhet ta dijë çfarë Greqia ka bërë për shtetin e saj.Zonja Ministre duhet ta dijë se kur Shqipëria ishte vetëm një vrimë e zezë në hartën e botës, nuk ishte Turqia ajo që e ndihmoi Shqipërinë. Përkumdrazi Ministrja zgjedh të jetë palë me pushtuesit’’, thuhet ndër të tjera në shkrimin e gazetës.
Discussion about this post